Senegal yatsinze Amavubi ibitego bibili ku busa mu mukino wa gicuti i Kigali. Amakipe yombi arimenyereza, yitegura imikino itaha mu majonjora y’igikombe cy’Afurika cy’ibihugu kizabera muri Gabon umwaka utaha.
U Rwanda ruzakira Mozambique ku italiki ya 4 y’ukwezi gutaha. Mu mukino ubanza u Rwanda rwatsinze Mozambique igitego kimwe ku busa i Maputo.
Naho Senegal izava mu Rwanda yerekeza mu Burundi. Izakina n’Intamba mu Rugamba nabo ku italiki ya 4 y’ukwa 6. Mu mukino ubanza Senegal yatsinze Uburundi bitatu kuri kimwe i Dakar.