Abasivili 8 bahitanywe n’igitero cyabereye ku kigo nderabuzima mu ntara ya Kivu ya ruguru muri Repuburika ya demokarasi ya Kongo. Amakuru yaturutse yo kuri uyu wa kane, yamaganira icyo gitero ku barwanyi ba ADF, bakorana n’umutwe wa Leta ya Kiyisilamu.
Uwo mutwe wari uturutse mu ntara ya Ituri wageze Mantumbi kuwa gatatu. Umuyobozi wa sosiyete sivili mu ntara ya Beni, Omar Kalisia, ni we wabwiye abanyamakuru ko kuri icyo kigo ndera buzima, abantu 8 bapfuye, kandi ko hari abarwayi n’ababuriwe irengero.
Umushefu w’i Beni, Leone Siviwe, yakoze urutonde rw’abantu 10 bapfuye, barimo n’umuforomokazi. Yanegetse ubwo bwicanyi ku barwanyi ba ADF. Uwo muyobozi yavuze ko ingabo za Uganda zari mu “birindiro” hafi cyane.
Mu mwaka wa 2021, Uganda na Kongo batangije operasiyo ya gisirikare hamwe, kugeza ubu itari yabasha kurwanya umutwe wa ADF.
Kw’ikubitiro, umutwe wa ADF wari wiganjemo abarwanyi b’abayisilamu b’abanya-Uganda, waje gushinga ibirindiro mu burasirazuba bwa Kongo, aho umaze imyaka irenga 30. Wishe abasivili ibihumbi n’ibihumbi. (AFP)
Forum